له الله څخه د غوښتنو ورد

۴۳- اې الله! زه له تا څخه د هر هغه خیر سوال کوم، کوم چې له تا څخه ستا بنده او نبي (محمد صلی الله علیه وسلم) غوښتی دی، او زه په تا له هغه شره پنا غواړم له کوم څخه چې ستا بنده او نبي (محمد صلی الله علیه وسلم) پناه غوښتې ده، ته مرسته کوونکی یې، او ته د (دنیا او آخرت) هر خیر ته رسوونکی یې، او نشته هیڅ ځواک او توان ( له ګناه د ځان ساتلو او د نیکیو د کولو) مګر د الله په توفیق سره.

له الله څخه د غوښتنو ورد

۴۴- اې الله! زه له تا څخه د ښوکارونو کولو، د بدو کارونو پرېښودلو، د مسکینانو سره د مینې درلودلو او ددې خبرې غوښتنه کوم چې ماته بښنه وکړه او پر ما رحم وکړه، او کله چې د کوم قوم د ازمويښت اراده کوې نو ما خپل ځان ته په داسې حال کې وغواړه(مړ کړه) چې له فتنې ساتل شوی وم، او زه ستا څخه ستا د محبت غوښتنه کوم او د هغه چا د محبت غوښتنه کوم څوک چې ستا سره محبت کوي او د هغه عمل غوښتنه کوم چې ستا محبت ته نېږدې کوي.

له الله څخه د غوښتنو ورد

۴۵- اې الله! ما ته په بدن كې روغتيا راكړه، په غوږونوكې مې روغتيا راكړه او دا زما وارث(تر مرګه سلامت) وګرځوه، له الله پرته بل د عبادت وړ معبود نشته، چې حلم لرونکی، عزتمند دی، پاکي ده الله لره چې د لوی عرش څښتن دی، ستاینه الله لره ده چې د کائناتو پالونکی دی.

له الله څخه د غوښتنو ورد

۴۶- اې الله! زه له تا څخه په کارونو کې ثبات، او پر هدایت پاتې کېدل غواړم، او له تا څخه د رحمت او ستا د بښنې د لاملونو(اسبابو)غوښتنه کوم،او له تا څخه ستا د نعمت د شکر اداکولو او په ښه توګه ستا د عبادت کولو غوښتنه کوم، او له تا د سالم زړه او رېښتینې ژبې غوښتنه کوم، او کوم خیر چې تاته معلوم دی د هغو غوښتنه درنه کوم، او کوم شر چې درته معلوم دی له هغو څخه پنا درنه غواړم، او څه (تېروتنې) چې تاته معلومې دي د هغې بښنه درنه غواړم، بیشکه همدا ته پر ټولو پټو پوه (باخبره) یې.

له الله څخه د غوښتنو ورد

۴۷- اې الله! مونږ ستا په پيروۍ کې وکاروه.

له الله څخه د غوښتنو ورد

۴۸- اى زما پالونکیه! ما له خپل عذابه په هغه ورځ وژغوره په کومه ورځ چې ته خپل بندګان بیا را ژوندي کوې.

له الله څخه د غوښتنو ورد

۴۹- اې الله! د هغو کسانو په ډله کې چې تا ورته لارښوونه کړې ما ته هم لارښوونه وکړه، او د هغو کسانو په ډله کې چې سلامتي دې ورکړې ما ته هم سلامتي راکړه، ما هم له شره وساته او د هغو کسانو په ډله کې چې تا ساتلي ما هم وساته، او څه چې د راکړي په هغو کې راته برکت واچوه، او د څه چې تا پرېکړه کړې، د هغه له شره مې وساته، ځکه همدا ته پرېکړه کوونکى یې، او ستا د حکم(پرېکړې) څوک منع کوونکى نشته، په رېښتیا چې ته له چا سره دوستي وکړې، هغه به خوار نشي، او له چا سره چې دښمني وکړې، هغه...

له الله څخه د غوښتنو ورد

۵۰- اې د اسلام او د هغه د پیروانو دوسته! ما پر اسلام تر هغه قایم وساته تر څو ستا سره مخ شم.

له الله څخه د غوښتنو ورد

۵۱- اى الله زموږ پالونکيه! مونږ ته په دنيا كې نيكۍ راكړې، او په آخرت كې نيكۍ راكړې، او د دوزخ له عذابه مو وساتې.

فکر وکړه .....

څومره لويې کلمې(دعاګانې) دي که الله یې درنه قبولې کړي، او ستا کړې غوښتنه درکړي... په رېښتيا تا خو له الله غوښتنه وکړه:

په رېښتيا چې له الله دې وغوښتل: د الله د هغه لوی نوم په واسطه دې غوښتنه وکړه، د کوم په واسطه چې الله ته دعا وشي نو هغه دعا قبلیږي او څه چې ترې وغوښتل شي نو هغه ورکول کیږي.

* داسې غوښتنه چې په پایله کې به یې جنت هم دا ځواب ورکوي چې: اې الله دا جنت ته داخل کړه.

* داسې غوښتنه چې په پایله کې به یې دوزخ هم دا...