کتاب ستا د زړه پر وړاندې

ستا په مخکې(د ذکر او دعا) داسې لویې کلمې دي چې الله په خپل مخلوق کې تر ټولو غوره چاته ته وحي کړې نو زړونو او روحونو ته یې سرایت وکړ او یوه ورځ پرې ژبې و ښوریدې او د آسمانونو دروازې ورته پرانېستل شوې او الله تعالی پورته کړې....

- داسې کلمې چاچې پرې د الله ستاینه وکړه، نو الله ترې قبوله کړه ....

- او چاچې پرې پر رسول صلی الله علیه وسلم درود وويلو نو الله یې درجې لوړې کړې.

- او چاچې پرې له الله بښنه وغوښت...

اې زړه: د الله ستاینې ته چمتو شه

په راتلونکو پاڼو کې ستا پر وړاندې د لويې ستاینې کلمات دي.....

داسې کلمات چې یوازې دې ته اړتیا لري چې ته هغه ذات ته د زړه حضور برابر کړې چاته چې دا ښایسته ستاینه وړاندې کوې.....

نو له الله پرته څوک د الله تر ټولو ښه ستاینه کولای شي...؟

او له رسول الله صلى الله عليه وسلم او نږدې ملایکو زیات څوک د ستاینې لپاره د الله د خوښې پر کلماتو پوهېدای شي؟!

دا دي اوس ستا پر وړاندې د الله هغه ستاینې دي چې الله او رسول صلی الله علیه وسلم او نېږدې پرېښتو پر الله ويلې دي، نو ته هم خپله...

د الله د ستاینې اوراد

* (ټوله ستاینه یوازې الله لره ده، چې د ټولو کائناتو پالونکی دی، ډېر زیات مهربان، پوره رحم لرونکی دی، د جزا د ورځې مالک دی.) [الفاتحة: 2-4].

د الله د ستاینې اوراد

* (تاینه الله لره ده چې آسمانونه او ځمکه يې پیدا کړل او تیارې او رڼا یې پیدا کړه) [الأنعام: 1].

د الله د ستاینې اوراد

* ( ستاينه الله لره ده چې مونږ ته یې دا لاره وښودله، مونږ خپله لاره نشوه موندلای که الله مونږ ته لارښونه نه وای کړې.) [الأعراف: 43].

د الله د ستاینې اوراد

* (ستاینه د الله لپاره ده، چې د آسمانونو او ځمکې جوړوونکی او د پیغام رسوونکو پرېښتو ټاکونکی دی (داسې پرېښتې) چې دوه دوه، درې درې، او څلور څلور وزرونه لري، د الله چې څنګه خوښه وي د خپل مخلوق په جوړښت کې زیاتوالی راولي، بې له شکه چې الله پر هرڅه قادر(ځواکمن) دی.) [فاطر: 1].

د الله د ستاینې اوراد

* ( ستاینه هغه الله لره ده چې پر خپل بنده یې دغه کتاب نازل کړ او په هغه کې یې کوم کوږوالی پرې نښود.) [الكهف: 1].

د الله د ستاینې اوراد

* (الله همغه ذات دی چې له هغه پرته بل هیڅوک د عبادت وړ معبود نشته، پر پټ او ښکاره هر څه پوه دی، همغه ډېر زیات مهربان او پوره رحم کوونکی دی. الله هغه ذات دی چې له هغه پرته بل هیڅوک د عبادت وړ معبود نشته، هغه پاچا، ډېر پاک، له ټولو عیبونو خوندي، امان ورکوونکی، ساتونکی، پر ټولو برلاسی، په زوره د خپل حکم نافذوونکی، د لویۍ څښتن او د لویۍ کوونکی دی، الله (له شرک څخه) پاک دی چې هغوی(خلک) يې ور سره شريکوي. الله هغه ذات دی چې د هستونې پلان جوړوونکی او نافذوونکی او د هغه سره...

د الله د ستاینې اوراد

* (ټوله ستاینه هغه الله لره ده چې د اسمانونو او ځمکې د هر شي څښتن دی او په آخرت کې هم همغه لره ستاینه ده .هغه د حکمت څښنتن او با خبره دی.) [سبأ: 1].

د الله د ستاینې اوراد

* (او ووایه ټوله ستاینه د هغه الله لپاره ده چې نه يې څوک زوی نیولي، نه په پاچاهۍ کې څوک ورسره شریک دي، او نه هغه بېوسه دی چې څوک د هغه ملاتړی وي، او د هغه لویي بیان کړه، بشپړه لويي.) [الإسراء: 111].