په دې کتاب کې زمونږ له دې خبرې(فکر وکړه...) نه وروسته چې څه راځي هغه ددې اذکارو فضائل او اجرونه دي چې له رسول الله صلی الله علیه وسلم څخه ثابت شوي، د هرې دعا او د هغې د فضیلت لپاره د کتاب په پای کې د احادیثو تخریج ته مراجعه وکړه.
وړاندې له دې چې وخت تا د (ستاینې له اذکارو لرې کړي نو فکر وکړه ....
فکر وکړه: چې کومې دنیا ته ننوتې، او کومې کلمې د زمزمه کړې، او د چا ستاینه دې وکړه، او څومره اجرونه دې وګټل!
* پرته له شکه چې تا د الله د هغه اسم اعظم له لارې د الله ستاینه وکړه، د کوم په مرسته چې الله ته دعا وشي نو هغه دعا قبلیږي او څه چې ترې وغوښتل شي نو هغه ورکول کیږي.
* پرته له شکه چې تا د الله داسې ستاینه وکړه چې د هغې په مرسته به -د الله په امر – له اوره آزادي مومې
* داسې ستاینه چې – که د الله خوښه شي – نو په دنیا او آخرت کې به ګټه درته ورسوي.
* داسې ستاینه چې الله به د غږ واوري او په دې ټکو به ځواب درکړي (زما بنده رېښتیا وويل).
* داسې ستاینه چې کله نبي صلی الله علیه وسلم واورېده نو په تعجب کې شو، او پرته له شکه چې د آسمانونو دروازې ورته پرانېستل شوې.
* داسې ستاینه چې هغه به ستا د شپې او ورځې له ذکر څخه هم زیاته او غوره وي.
* دا ستاینه د هغه چرګ ستاینه ده چې کله د الله له عظمت څخه خبر شو نو په حق باندې د پوه شوي په څیر یې ستاینه وکړه.
* داسې ستاینه چې د هغې د لیکلو لپاره به – د الله په امر سره- لس پرېښتې را وړاندې کیږي چې هره یوه به کوښښ کوي چې د هغې اجر ولیکي، خو هغه به هیڅکله هم ونشي لیکلی مګر دا چې (دا ستاینه) همغسې ولیکي لکه څنګه چې تا وېیلې وي، خو اجر به یې ستا لپاره د الله سره ساتل شوی وي.
* داسې ستاینه چې په دې سره به - د الله په امر- تاته د الله دومره ډیر رحمت لیکل کیږ ي لکه څومره ډېر چې تا د هغه ستاینه کړې.
نو اوس پوه شوې چې کوم مقام ته رسېدلی يې؟ او څه د تر لاسه کړي؟ او پر څه د ستاینه کړې؟ که دې خوښه شي نو د فکر لپاره یو ځل بیا را وګرځه او کنه نو د (الله) په ستاینه کې ډوب مخ پر وړاندې ځه...