The desires of the Sunnis and the community

اللہ تعالی کی مدح وثنا:

2) اے ہمارے پروردگار! آپ ہی لیے تعریف ہے ، اتنی تعریف کہ جس سے آسمان و زمین بھر جائیں ، اور اس کے بعد جو چیز تو چاہے بھر جائے، اے تعریف اور بزرگی کے سزاوار! سب سے سچی بات جو بندے نے کہی(اورہم سب آپ ہی کے بندے ہیں ) وہ یہ ہے: اےاللہ! جو آپ دیں، اسے کوئی روکنے والا نہیں،اور جو آپ روکیں اسے کوئی دینے والا نہیں اور کسی شان والے کو اس کی شان آپ کے ہاں کوئی فائدہ نہیں پہنچا سکتی۔

اللہ تعالی کی مدح وثنا:

3) اے اللہ! ساری کی ساری تعریف تیرے ہی لیے ہے ، اور تمام کے تمام امور تیری ہی طرف لوٹتے ہیں۔

اللہ تعالی کی مدح وثنا:

4) اللہ تعالیٰ ہی کے لیے تمام تعریف ہے، ایسی تعریف جوبہت زیادہ پاکیزہ اوربرکت والی ہے اور ایسی تعریف جسے ہمارا رب پسند کرے اور راضی ہوجائے۔

اللہ تعالی کی مدح وثنا:

5) بہت زیادہ تعریفیں اللہ تعالیٰ کے لیے ہیں، اللہ سب سے بڑا ، بڑا عالی شان ہے۔

اللہ تعالی کی مدح وثنا:

6) اے اللہ! میں تجھ سے سوال کرتا ہوں اور گواہی دیتا ہوں کہ صرف اور صرف تو ہی اللہ ہے۔ تیرے علاوہ کوئی معبود نہیں ۔توتنہا، ایسا بے نیاز ہے کہ جس کو نہ کسی نے جنا ہے اور نہ ہی اس نے کسی کو جنا ہے۔نہ ہی کوئی اس کا ہمسر ہے۔

اللہ تعالی کی مدح وثنا:

7) اے اللہ! میں تجھ سے مانگتا ہوں کہ ساری تعریفیں تیرے لیے ہیں ، تیرے سوا کوئی اور معبود نہیں، تو ہی احسان کرنے والا اور آسمانوں اور زمین کو پیدا کرنے والا ہے، اے عظمت اور کرم والے! اے زندہ جاوید! اے آسمانوں اور زمینوں کو تھامنے والے!

اللہ تعالی کی مدح وثنا:

8) اے اللہ! میں آپ کو گواہ بناتا ہوں ، اور آپ کے فرشتوں کو گواہ بناتا ہوں اور آپ کے عرش اٹھانے والے فرشتوں اور آسمانوں و زمین میں جتنی مخلوق ہے، سب کو گواہ بناتا ہوں کہ تو ہی اللہ ہے، تیرے علاوہ کوئی عبادت کے لائق نہیں ، تو اکیلا ہے ، تیرا کوئی شریک نہیں اور بے شک حضرت محمد ﷺ تیرے بندے اور رسول ہیں۔

اللہ تعالی کی مدح وثنا:

9) اللہ تعالیٰ کے علاوہ کوئی عبادت کے لائق نہیں، وہ اکیلا ہے، اور اس کا کوئی شریک نہیں، اسی کے لیے ملک ہے اور اسی کے لیے حمد ہے، اور وہ ہر چیز پر قادر ہے، اللہ پاک ہے اور سب تعریف اللہ کے لیے ہےاور اللہ کے سوا کوئی سچا معبود نہیں اور اللہ سب سے بڑا ہےاور بلندی اور عظمت والے اللہ کی مدد کے بغیر نہ (کسی چیز سے بچنے کی) طاقت ہے اور نہ ( کچھ کرنے کی )قوت ہے۔

اللہ تعالی کی مدح وثنا:

10) اللہ تعالیٰ کے علاوہ کوئی عبادت کے لائق نہیں، وہ اکیلا ہے، اور اس کا کوئی شریک نہیں، اللہ بہت بڑا ہے ، اور بہت زیادہ حمد اسی کی ہے، اللہ پاک ہے جو تمام جہانوں کا رب ہے، اورغالب اور حکمت والے اللہ کی مدد کے بغیر نہ (کسی چیز سے بچنے کی) طاقت ہے اور نہ ( کچھ کرنے کی )قوت ہے۔

اللہ تعالی کی مدح وثنا:

11) اللہ تعالیٰ کے علاوہ کوئی عبادت کے لائق نہیں، وہ اکیلا ہے، اور اس کا کوئی شریک نہیں، اللہ تعالیٰ مالک حقیقی کے علاوہ کوئی عبادت کے لائق نہیں، اسی کے لیے بادشاہت ہے اور اسی کے لیے تمام تعریفیں ہیں ، اللہ تعالیٰ کے علاوہ کوئی عبادت کے لائق نہیں، اور اللہ سب سے بڑا ہے، اللہ تعالیٰ کے علاوہ کوئی عبادت کے لائق نہیں اور اللہ کی مدد کے بغیر نہ (کسی چیز سے بچنے کی) طاقت ہے اور نہ ( کچھ کرنے کی )قوت ہے۔