The desires of the Sunnis and the community

نزای ستایش کردنی خوای گه‌وره

١-‌ «په‌روه‌ردگارا سپاس و ستایش هه‌ر بۆ تۆیه چونکه تۆ رووناکی ئاسمانه‌کان و زه‌وی و دانیشتووانیانی، تۆ سه‌رپه‌رشتیار و چاودێری ئاسمانه‌کان و زه‌وی و دانیشتووانیانی، سپاس و ستایش بۆ تۆیه چونکه تۆ پادشای ئاسمانه‌کان و زه‌وی و دانیشتووانیانی، سپاس و ستایش بۆ تۆیه چونکه تۆ راستی و به‌ڵێنی تۆ راسته و فه‌رمووده‌ی تۆ راسته و دیداری تۆ راسته. به‌هه‌شت راسته و ئاگری دۆزه‌خ راسته و رۆژی دوایی راسته و پێغه‌مبه‌ران راستن و موحه‌ممه‌د -‌ دروودی خوای له سه‌ر بێت -‌ راسته. په‌روه‌...

نزای ستایش کردنی خوای گه‌وره

٢-‌ «خوایه گیان ئه‌ی په‌روه‌ردگاری ئێمه! سپاس و ستایش بۆ تۆ پڕ به ئاسمانه‌کان و زه‌وی و پڕ به هه‌ر شتێک له دوای ئه‌وان که تۆ پێی رازی بیت. تۆ شیاو و خاوه‌نی ستایش و گه‌وره‌ییت. تۆ شیاو و شایسته‌تری به‌و سپاس و سه‌نایه که به‌نده‌که‌ت ده‌یکات و ئێمه هه‌موو به‌نده‌ی تۆین. هیچ شتێک نابێته به‌ربه‌ستی ئه‌وه‌ی تۆ ده‌یبه‌خشی، گه‌ر تۆیش نه‌ته‌وێ هیچ شتێک ناتوانێت ببه‌خشێت و ده‌وڵه‌مه‌ندی هیچ سوودێک ناگه‌یێنێته خاوه‌نه‌که‌ی و هه‌ر پێویستی به تۆیه».

نزای ستایش کردنی خوای گه‌وره

٣- «په‌روه‌ردگارا سپاس و ستایش هه‌مووی بۆ تۆیه و کار و باره‌کانیش هه‌موو بۆ لای تۆ ده‌گه‌ڕێنه‌وه».

نزای ستایش کردنی خوای گه‌وره

٤- «سپاس و ستایش بۆ خوا، سپاس و ستایشێکی خاوێن و پڕ له پیرۆزی، به شێوازێک که په‌روه‌ردگارمان پێی خۆش بێت و رازی بێت».

نزای ستایش کردنی خوای گه‌وره

٥-‌ «سپاس و ستایشی فراوان و به‌رده‌وام ته‌نها بۆ خوایه، به‌ڕاستی په‌روه‌ردگار گه‌وره‌تر و به هێزتره له هه‌مووان».

نزای ستایش کردنی خوای گه‌وره

٦-‌ «خوایه گیان من داوا له تۆ ده‌که‌م و لێت ده‌پاڕێمه‌وه به‌وه‌ی که شایه‌تی ده‌ده‌م ته‌نها تۆ ئه‌و خوایه‌ی که هیچ په‌رستراوێک جگه له تۆ حه‌ق نیه، تۆ په‌روه‌ردگاری تاک و ته‌نها و ده‌سه‌ڵاتدارێکی که که‌سی لێ نه‌بووه و خۆیشی له که‌س نه‌بووه، هه‌رگیزاو هه‌رگیزیش که‌س هاوشێوه و هاوشانی ئه‌و نه‌بووه و نابێت».

نزای ستایش کردنی خوای گه‌وره

٧-‌ «په‌روه‌ردگارا له تۆ ده‌پاڕێمه‌وه به‌وه‌ی که هه‌موو سپاسێک هه‌ر بۆ تۆیه، هیچ په‌رستراوێک غه‌یری تۆ حه‌ق نیه، تۆ زۆر به‌خشنده‌ و چاکه‌کاری، تۆ به‌دیهێنه‌ری ئاسمانه‌کان و زه‌ویت، ئه‌ی خاوه‌نی ده‌سه‌ڵات و رێزلێنان، ئه‌ی خوای زیندوو به‌ئاگا و سه‌رپه‌رشتیاری هه‌موو بوونه‌وه‌ر».

نزای ستایش کردنی خوای گه‌وره

٨-‌ «په‌روه‌ردگارا من تۆ به شایه‌تی ده‌گرم و هه‌موو فریشته‌کان و هه‌ڵگرانی عه‌رشیش به شایه‌تی ده‌گرم، هه‌روه‌ها هه‌موو دانیشتووانی ئاسمانه‌کان و زه‌وی به شایه‌تی ده‌گرم که تۆ ئه‌و خوایه‌ی هیچ که‌سێک جگه له تۆ شیاوی په‌رستن نیه، تۆ ته‌نهاو بێ هاوتاو هاوه‌ڵی، شایه‌تی ده‌ده‌م که موحه‌ممه‌د به‌نده و نێردراوی تۆیه».

نزای ستایش کردنی خوای گه‌وره

٩-‌ «هیچ په‌رستراوێک حه‌ق نیه غه‌یری زاتی پاکی خوا نه‌بێت، هاوه‌ڵ و هاوتای نیه، موڵک و ده‌سه‌ڵات و سپاس و ستایش هه‌ر بۆ ئه‌وه و به‌ سه‌ر هه‌موو کار و بارێکدا زاڵ و به ده‌سه‌ڵاته، پاک و بێگه‌ردی بۆ خوا و سپاس و ستایش بۆ ئه‌و زاته، هیچ په‌رستراوێک حه‌ق نیه غه‌یری زاتی پاکی خوا نه‌بێت. به‌ڕاستی خوا له هه‌موو که‌سێک گه‌وره‌تره و هه‌موو هێز و ده‌سه‌ڵاتێک ته‌نها به ویست و خواستی خوای پایه‌به‌رز و گه‌وره‌یه».

نزای ستایش کردنی خوای گه‌وره

١٠-‌ «هیچ زاتێک شایه‌نی په‌رستن نیه زاتی خوای ته‌نها و بێهاوتا نه‌بێت، ئه‌و زاته که هیچ هاوه‌ڵێکی نیه، به‌ڕاستی خوا له هه‌مووان گه‌وره‌تر و به‌ده‌سه‌ڵاتتره، سپاس و ستایشی فره و فراوان هه‌ر بۆ ئه‌وه، پاکی و بێعه‌یبی لایه‌قی خوایه که په‌روه‌ردگاری جیهانیانه، هیچ هێز و ده‌سه‌ڵاتێک نیه مه‌گه‌ر به ویست و خواستی خوای بڵندپایه و گه‌وره و خاوه‌ن ده‌سه‌ڵات و کاربه‌جێ».